АПЛ жамоалари ўтган мавсум қанча мукофот пули ишлаб топди
ФОТО: Getty Images
Якунланган мавсум АПЛда чемпионликни қўлга киритган “Ливерпул” 181,5 миллион фунт стерлинг ишлаб топди. Бу ҳақда The Athletic нашри хабар бермоқда.
Манбага кўра, иккинчи ўриндаги “Арсенал” 177,8 миллион фунт олган. Учинчи ўринни эгаллаган “Манчестер Сити” эса 171,5 миллион фунт ишлаб топган.
Шунингдек, Чемпионлар Лигасига йўл олган “Челси” ва “Ньюкасл” мос равишда 169,5 миллион ва 165,8 миллион фунт стерлинг мукофот пулига эга бўлган.
Маълумот учун, турнир жадвалида охирги, 20-ўринни эгаллаган “Саутгемптон” 110,9 миллион фунт ишлаб топган. АПЛни тарк этган “Ипсвич” 112,9 миллион, “Лестер” эса 119,2 миллион фунт олган.
Насрулло Каримов
Журналист