АПЛ тарихидаги энг ёмон трансферлар эълон қилинди: Мудрик рўйхатда пешқадам
ESPN нашри Англия Премьер-лигаси тарихидаги энг омадсиз харидлар рейтингини тузиб чиқди. Жами 50 та трансфер жой олган ушбу рўйхатда «Челси» томонидан 2022/2023 йилги мавсумда «Шахтёр»дан 70 миллион еврога сотиб олинган украиналик яримҳимоячи Михайл Мудрик биринчи ўринни эгаллади.
Нашр талқинига кўра, энг ёмон трансферлар ўнлигидан қуйидаги футболчилар жой олган:
- Михайл Мудрик – «Шахтёр»дан «Челси»га (70 млн евро);
- Антони – «Аякс»дан «Манчестер Юнайтед»га (95 млн евро);
- Николя Пепе – «Лилль»дан «Арсенал»га (80 млн евро);
- Али Диа – Эркин агент сифатида «Саутгемптон»га;
- Дэниел Дринквотер – «Лестер»дан «Челси»га (37,9 млн евро);
- Рикардо Алварес – «Интер»дан «Сандерленд»га (10,5 млн евро);
- Ромелу Лукаку – «Интер»дан «Челси»га (113 млн евро);
- Жейдон Санчо – «Боруссия»дан «Манчестер Юнайтед»га (85 млн евро);
- Томас Бролин – «Парма»дан «Лидс Юнайтед»га (5,3 млн евро);
- Калвин Филлипс – «Лидс»дан «Манчестер Сити»га (49 млн евро).
Эслатиб ўтамиз, 2024 йилнинг декабрь ойида Мудрикнинг допинг-тестида тақиқланган моддалар рўйхатига киритилган мельдоний аниқланган эди. Ушбу воқеага қадар украиналик футболчи «аристократлар» сафида 73 та ўйин ўтказиб, 10 та гол ва 11 та самарали узатмани амалга оширишга улгурган эди.
Мудрик иштирокидаги сўнгги расмий учрашув 2024 йилнинг ноябрь охирида, Конференциялар Лигаси доирасидаги «Хайденхайм»га (2:0) қарши баҳсга тўғри келган. Айнан ўша ўйинда Михайл ўзининг жамоасидаги охирги голини киритган эди.
