АПЛ собиқ футболчиси интим контент учун моделга пул тўлагани айтилмоқда
Англия Премьер-лигасида тўп сурган ирландиялик собиқ ҳимоячи Шейн Даффи OnlyFans модели Келли Блейк билан боғлиқ воқеа сабаб Британия ОАВ эътиборига тушди. Моделнинг айтишича, футболчи беш соатлик видеоқўнғироқ давомида ундан интим контент намойиш этишни сўраган ва бунинг учун жами 1100 фунт стерлинг тўлаган. Бу ҳақда The Sun нашри хабар бермоқда.
Манбага кўра, Блейк 25-август куни бўлиб ўтган суҳбат давомида Даффидан учта алоҳида тўлов — 300, 200 ва 600 фунт олганини маълум қилган. Модель футболчи ундан кийимини алмаштириш ва қўшимча видеолар юборишни ҳам сўраганини, кейинчалик эса Ирландияда шахсан учрашишни таклиф қилганини таъкидлаган.
Даффи эса воқеа юзасидан тарқалган айрим маълумотларга қўшилмаслигини билдирган. Футболчи айрим даъволарни нотўғри ёки бўрттирилган деб ҳисоблашини айтган ва Блейк билан ҳеч қачон романтик муносабатда бўлмаганини, улар фақат дўст бўлганини таъкидлаган.
Маълумот учун, 34 ёшли Шейн Даффи фаолияти давомида “Брайтон”, “Фулхэм”, “Селтик” ва “Норвич” каби клубларда тўп сурган. У Ирландия терма жамоаси сафида ҳам узоқ йиллар ҳаракат қилган.
