АПЛ. «Ньюкасл» ўн киши бўлиб «МЮ»ни мағлуб этди
Англия Премьер-лигасининг 29-туридан ўрин олган «Ньюкасл» ва «Манчестер Юнайтед» жамоалари ўртасидаги баҳс бўлиб ўтди. «Сент-Джеймс Парк» стадионида ўтган учрашув мезбонларнинг 2:1 ҳисобидаги ғалабаси билан якунланди.
Ўйиннинг биринчи бўлими драматик воқеаларга бой бўлди. 45+1-дақиқада «Ньюкасл» аъзоси Жейкоб Ремзи иккинчи сариқ карточка туфайли майдонни тарк этди. Шунга қарамай, 45+6-дақиқада Энтони Гордон пенальтини аниқ амалга ошириб, «Зоғлар»ни олдинга олиб чиқди. «Манчестер Юнайтед» танфусгача ҳисобни тенглаштиришга улгурди — 45+9-дақиқада Каземиро гол муаллифига айланди.
Бир киши кам бўлиб қолганига қарамасдан, «Ньюкасл» иккинчи бўлимда ғалабани илиб кетди. 90-дақиқада Уильям Осула рақиб дарвозасини ишғол қилиб, жамоасига муҳим уч очкони тақдим этди.
Ушбу ўйиндан сўнг «Ньюкасл» 39 очко билан турнир жадвалида 12-ўринга кўтарилди. «Манчестер Юнайтед» эса 51 очко билан ҳамон 3-поғонани эгаллаб турибди.
Кейинги турда «Ньюкасл» 14 март куни сафарда «Челси»га қарши ўйнаса, «қизил иблислар» 15 март куни ўз майдонида «Астон Вилла»ни қабул қилади.
АПЛ. 29-тур
«Ньюкасл» — «Ман Юнайтед» 2:1
Голлар: Гордон (45+6), Осула (90) — Каземиро (45+9).
