АПЛ. «МЮ» «Кристал Пэлас»ни мағлуб этиб, 3-ўринга кўтарилди
Англия Премьер-лигасининг 28-тури доирасида «Манчестер Юнайтед» ҳамда «Кристал Пэлас» жамоалари ўртасидаги учрашув бўлиб ўтди. «Олд Траффорд» мезбонлик қилган баҳсда «қизил иблислар» 2:1 ҳисобида ғалаба қозонди.
Ўйиннинг 4-дақиқасида Максанс Лакруа меҳмонларни ҳисобда олдинга олиб чиқди. Бироқ, 56-дақиқада айнан ушбу футболчи қизил карточка олиб, майдонни тарк этди ва жамоасини камчиликда қолдирди. Орадан бир дақиқа ўтиб, Бруну Фернандеш пенальтини аниқ амалга ошириб, мувозанатни тиклади. 65-дақиқада эса Бенжамин Шешко ғалаба голини киритиб, мезбонларга муҳим уч очкони тақдим этди.
Ушбу ғалабадан сўнг «Манчестер Юнайтед» 51 очко билан АПЛ турнир жадвалида 3-ўринни эгаллаб турибди. «Кристал Пэлас» эса 35 очко билан 14-поғонадан жой олган.
АПЛ. 28-тур
«Манчестер Юнайтед» — «Кристал Пэлас» 2:1
Голлар: Фернандеш (57), Шешко (65) — Лакруа (4).
Четлатиш: Лакруа (56).
