АПЛ. \"Манчестер Сити\" сўнгги дақиқаларда гол уриб, ғалаба қозонди. Ҳусанов яна захирада қолди
Фото: Getty Images
Англия Премьер-лигаси 34-турида “Манчесер Сити” ўз майдонида “Астон Вилла” билан куч синашди.
Ўйинда “шаҳарликлар” тезкор гол уришди. Бернарду Силва гол муаллифига айланди. Кўп вақт ўтмай Маркусь Рэшфорд пенальтидан ҳисобни тенглаштирди. Аммо 90+4-дақиқада Докунингт узатмасидан сўнг Матеус Нуньес ғалаба тўпини киритиб, “Сити”га уч очко келтирди, - 2:1.
Ушбу ғалабадан сўнг “Манчестер Сити” очколари сонини 61 тага етказиб, 3-ўринга кўтарилди. “Астон Вилла” эса 57 очко билан 7-ўринда қолди.
АПЛ. 34-тур
“Манчестер Сити” 2:1 “Астон Вилла”
Голлар: Бернарду Силва 7 (1:0), Рэшфорд 18 пен (1:1), Матеус Нуньес 90+4 (2:1)
Розикжон Султонмуродов
Журналист