APL. "Manchester Siti" so'nggi daqiqalarda gol urib, g'alaba qozondi. Husonov yana zaxirada qoldi

Futbol 22 apr 2025 da 16:59

Roziqjon Sultonmurodov

Jurnalist

Angliya Premer-ligasi 34-turida “Manchester Siti” o'z maydonida “Aston Villa” bilan kuch sinashdi.

O'yinda “shaharliklar” tezkor gol urishdi. Bernardu Silva gol muallifiga aylandi. Ko'p vaqt o'tmay Markus Reshford penaltidan hisobni tenglashtirdi. Ammo 90+4-daqiqada Dokuning uzatmasidan so'ng Mateus Nunes g'alaba to'pini kiritib, “Siti”ga uch ochko keltirdi, - 2:1.

Ushbu g'alabadan so'ng “Manchester Siti” ochkolari sonini 61 taga yetkazib, 3-o'ringa ko'tarildi. “Aston Villa” esa 57 ochko bilan 7-o'rinda qoldi.

APL. 34-tur

“Manchester Siti” 2:1 “Aston Villa”

Gollar: Bernardu Silva 7 (1:0), Reshford 18 pen (1:1), Mateus Nunes 90+4 (2:1)