АПЛ. «Ман Сити» ўз уйида очко йўқотди, Ҳусанов захирадан ўйинга қўшилди
Англия Премьер-лигасининг 29-туридан ўрин олган «Манчестер Сити» ва «Ноттингем Форест» жамоалари ўртасидаги баҳс бўлиб ўтди. «Этихад» стадионида ўтган учрашувда 2:2 ҳисобидаги дуранг қайд этилди.
31-дақиқада «шаҳарликлар» яримҳимоячиси Антуан Семенью ҳисобни очди. Меҳмонлар 56-дақиқада Морган Гиббс-Уайтнинг голи эвазига мувозанатни тиклашди. Орадан олти дақиқа ўтиб, Родри мезбонларни яна олдинга олиб чиқди. Бироқ 76-дақиқада Эллиот Андерсон «Ноттингем»нинг иккинчи жавоб голини уриб, якуний ҳисобни ўрнатди.
Ушбу дурангдан сўнг «Манчестер Сити» 29 ўйиндан кейин 60 очко билан турнир жадвалида 2-ўринни эгаллаб турибди. 28 очко жамғарган «Ноттингем Форест» эса 17-поғонадан жой олган.
АПЛ. 29-тур
«Ман Сити» — «Ноттингем Форест» 2:2
Голлар: Семенью (31), Родри (62) — Гиббс-Уайт (56), Андерсон (76).
