APL. «Man Siti» oʻz uyida ochko yoʻqotdi, Husanov zaxiradan oʻyinga qoʻshildi
Angliya Premyer-ligasining l 29-turidan o‘rin olgan «Manchester Siti» va «Nottingem Forest» jamoalari o‘rtasidagi bahs boʻlib oʻtdi. «Etihad» stadionida o‘tgan uchrashuvda 2:2 hisobidagi durang qayd etildi.
31-daqiqada «shaharliklar» yarimhimoyachisi Antuan Semenyu hisobni ochdi. Mehmonlar 56-daqiqada Morgan Gibbs-Uaytning goli evaziga muvozanatni tiklashdi. Oradan olti daqiqa o‘tib, Rodri mezbonlarni yana oldinga olib chiqdi. Biroq 76-daqiqada Elliot Anderson «Nottingem»ning ikkinchi javob golini urib, yakuniy hisobni o‘rnatdi.
Ushbu durangdan so‘ng «Manchester Siti» 29 o‘yindan keyin 60 ochko bilan turnir jadvalida 2-o‘rinni egallab turibdi. 28 ochko jamg‘argan «Nottingem Forest» esa 17-pog‘onadan joy olgan.
APL. 29-tur
«Man Siti» — «Nottingem Forest» 2:2
Gollar: Semenyu (31), Rodri (62) — Gibbs-Uayt (56), Anderson (76).
