АПЛ. «Ман Сити» ўз майдонида «Фулҳем»ни йирик ҳисобда мағлуб этди, Ҳусанов ярим соат ўйнади
Англия Премьер-лигасининг 26-тури доирасида «Манчестер Сити» ўз майдонида «Фулҳем»ни қабул қилди. Якунда «шаҳарликлар» 3:0 ҳисобидаги ишончли ғалабага эришишди.
Мезбонлар ўйин тақдирини биринчи бўлимнинг ўзидаёқ ҳал қилиб қўйишди. Учрашувнинг 24-дақиқасида Антуан Семено ҳисобни очган бўлса, орадан олти дақиқа ўтиб Нико О'Райли жамоасининг иккинчи голини урди. 39-дақиқада эса Эрлинг Холанд рақиб дарвозасини ишғол қилиб, ҳисобни йирик кўринишга келтирди.
Ўзбекистон миллий терма жамоаси ҳимоячиси Абдуқодир Ҳусанов 60-дақиқада захирадан майдонга тушди.
Ушбу ғалабадан сўнг «Манчестер Сити» 53 очко билан турнир жадвалида иккинчи ўринда бормоқда. «Фулҳем» эса 34 очко билан 12-поғонани эгаллаган. Навбатдаги турда, 21 февраль куни «шаҳарликлар» «Ньюкасл»ни қабул қилади, «Фулҳем» эса 22 февраль куни сафарда «Сандерленд» билан куч синашади.
АПЛ. 26-тур
«Ман Сити» — «Фулҳем» 3:0
Голлар: Семено (24), О'Райли (30), Холанд (39).
