АПЛ. «Ливерпул» ўз майдонида «Тоттенхэм» билан дуранг ўйнади
Англия Премьер-лигасининг 30-туридан ўрин олган «Ливерпул» ва «Тоттенхэм» жамоалари ўртасидаги учрашув якунланди. «Энфилд» стадионида бўлиб ўтган баҳсда 1:1 ҳисоби қайд этилди ва жамоалар бир очкодан бўлишиб олишди.
Ўйиннинг 18-дақиқасида Доминик Собослай ҳисобни очиб, мезбонларни олдинга олиб чиқди. Учрашувнинг асосий вақти якунланиши арафасида, яъни 90-дақиқада Ришарлисон рақиб дарвозасини ишғол қилиб, «Тоттенхэм»ни мағлубиятдан қутқариб қолди.
Ушбу дуранг натижасидан сўнг «Ливерпул» 49 очко билан турнир жадвалининг бешинчи поғонасида турибди. «Тоттенхэм» эса 30 очко билан 16-ўринда бормоқда.
Навбатдаги тур доирасида «Ливерпул» 21 март куни сафарда «Брайтон» жамоаси билан куч синашади. «Тоттенхэм» эса 22 март куни ўз майдонида «Ноттингем Форест» клубини қабул қилади.
АПЛ. 30-тур
«Ливерпул» — «Тоттенхэм» 1:1
Голлар: Собослай (18) — Ришарлисон (90).
