АПЛ. «Ливерпул» ван Дейкнинг 90+10-дақиқада урган голи ҳисобига дербида «Эвертон»ни мағлуб этди
Англия Премьер-лигасининг 33-тури доирасида «Эвертон» ва «Ливерпул» жамоалари ўртасидаги учрашув якунланди. Ливерпулдаги «Ҳилл Дикинсон» стадионида бўлиб ўтган мерсисайд дербисида меҳмонлар 2:1 ҳисобида ғалаба қозонишди.
Ўйиннинг 29-дақиқасида Муҳаммад Салоҳ меҳмонларни ҳисобда олдинга олиб чиқди. 54-дақиқада эса Бету «Эвертон»нинг жавоб голини уришга муваффақ бўлди. «Ливерпул»га ғалаба келтирган голни учрашувга қўшиб берилган 90+10-дақиқада Виржил ван Дейк киритди.
Ушбу ғалабадан сўнг «Ливерпул» 55 очко билан Англия чемпионати турнир жадвалида бешинчи ўринга кўтарилиб олди. «Эвертон» эса 47 очко билан 10-поғонадан жой олган.
Навбатдаги турда, 25 апрел куни «ирландлар» сафарда «Вест Хэм» меҳмони бўлишади, «қизиллар» эса шу куни ўз майдонларида «Кристал Пэлас»ни қабул қилади.
