АПЛ. «Ливерпуль» дербида «Эвертон»дан устун келди
Слот шогирдлари турнир жадвалида етакчиликни давом эттирмоқда.
ФОТО: Getty images
Англия чемпионатида 5-тур учрашувлари старт олди.
«Ливерпуль» ўз майдонида «Эвертон»ни қабул қилиб, 2:1 ҳисобида ғалаба қозонди.
Учрашувнинг 10-дақиқасида мезбонлар ярим ҳимоячиси Райан Гравенберх ҳисобни очди. 29-дақиқада Уго Экитике Гравенберхнинг узатмасидан кейин Арне Слот жамоасининг иккинчи голига муаллифлик қилди. 58-дақиқада меҳмонлар Идрисса Гейенинг голи эвазига орадаги фарқни қисқартиришди.
Шу тариқа, «Ливерпуль» мавсум стартидаги бешинчи ғалабасини қўлга киритди ва АПЛда якка пешқадамликни давом эттирмоқда.
Англия чемпионати, 5-тур
Ливерпуль - Эвертон - 2:1
Голлар: Гравенберх, 10 (1:0). Экитике, 29 (2:0). Гейе, 58 (2:1)
