APL. «Liverpul» derbida «Everton»dan ustun keldi
Slot shogirdlari turnir jadvalida yetakchilikni davom ettirmoqda.
ФОТО: Getty images
Angliya chempionatida 5-tur uchrashuvlari boshlandi.
“Liverpul” o‘z maydonida “Everton”ni qabul qilib, 2:1 hisobida g‘alaba qozondi.
Uchrashuvning 10-daqiqasida mezbonlar yarim himoyachisi Ryan Gravenberch hisobni ochdi. 29-daqiqada Hugo Ekitike Gravenberchning uzatmasidan so‘ng Arne Slot jamoasining ikkinchi goliga mualliflik qildi. 58-daqiqada esa mehmonlar Idrissa Gueyenning goli evaziga farqni qisqartirishdi.
Shu tariqa, “Liverpul” mavsum boshidagi beshinchi g‘alabasini qo‘lga kiritdi va APLda yakka peshqadamlikni davom ettirmoqda.
Angliya chempionati, 5-tur
Liverpul - Everton - 2:1
Gollar: Gravenberch, 10 (1:0). Ekitike, 29 (2:0). Gueye, 58 (2:1)
