АПЛ. «Ливерпул» «Борнмут»ни катта қийинчилик билан мағлуб этди
Англия Премьер-лигасининг 2025/26 йилги мавсумига старт берилди.
1 турнинг илк учрашуви «Энфилд» стадионида бўлиб ўтди. «Ливерпуль» ўз уйида «Борнмут»ни қабул қилди.
Дастлаб 37 дақиқасида Экитике «мерсисайдликлар»ни ҳисобда олдинга олиб чиқди. Иккинчи бўлимнинг 49 дақиқасида Гакпо орадаги фарқни 2 тага оширди. 64 дақиқада Семенио ўйиндаги ҳисобни қисқартирди, 2:1.
Асосий вақт якунланишига 14 дақиқа қолганида Семенио Алиссон дарвозасини яна бир бор ишғол қилиб, дубл қайд этди. 88 дақиқада «мерсисайдликлар» сотиб юбормоқчи бўлган Кьеза ҳисобни 3:2 кўринишига келтирган бўлса, асосий вақтга қўшиб берилган 4 дақиқада Салоҳ ўйиндаги сўнгги нуқтани қўйди, 4:2.
АПЛ. 1-тур.
«Ливерпул» 4:2 «Борнмут»
Голлар: Экитике (37), Гакпо (49), Семенио (64,76), Кеза (88), Салоҳ (90+4).
