АПЛ грандлари Родригодан юз ўгирди
ФОТО: Getty Images
Мадриднинг "Реал" клуби вингери Родригога Англияда харидорлар етарли, аммо даъвогарлардан бири унинг номзодидан воз кечишга қарор қилган.
Бразилиялик футболчига "Арсенал", "Челси" ва "Ливерпуль" клублари қизиқиш билдирган. Журналист Бен Жейкобснинг маълум қилишича, "Ливерпуль" курашдан чиқиб кетган.
"Кўклар" ҳам 24 ёшли футболчини асосий мақсад сифатида кўрмаяпти, "канонирлар" эса ҳануз трансфер масаласини жиддий ўрганмоқда.
Родриго ёзда сотиб юборилиши мумкин, чунки у "қаймоқранглилар" сафида Килиан Мбаппе ва Винисиус Жуниор борлиги сабабли доимий ўйин амалиётига умид қила олмайди. Transfermarkt портали мутахассислари "Сантос" тарбияланувчисининг нархини 100 млн евро деб баҳоламоқда.
Насрулло Каримов
Журналист
