АПЛ. «Челси» сафарда «Астон Вилла»ни йирик ҳисобда мағлуб этди
Англия Премьер-лигасининг 29-туридан ўрин олган «Астон Вилла» ва «Челси» жамоалари ўртасидаги баҳс бўлиб ўтди. Бирмингемдаги «Вилла Парк» стадионида кечган учрашувда лондонликлар 4:1 ҳисобида ғалаба қозонишди.
Ўйин мезбонлар учун жуда омадли бошланди: 2-дақиқадаёқ яримҳимоячи Дуглас Луис ҳисобни очди. Бироқ 35-дақиқада «Челси» ҳужумчиси Жоау Педро мувозанатни тиклади. Биринчи бўлим якунида драматик воқеалар содир бўлди: аввал Олли Уоткинснинг голи VAR аралашувидан сўнг бекор қилинди, 45+6-дақиқада эса Педро «кўклар»ни ҳисобда олдинга олиб чиқди.
Иккинчи бўлимда меҳмонлар устунликни тўлиқ ўз қўлларига олишди. 55-дақиқада Коуэл Палмер Педронинг узатмасидан сўнг учинчи голни урди. 64-дақиқада эса Жоау Педро хет-трик қайд этиб, ҳисобни йирик кўринишга келтирди.
Ушбу ғалаба эвазига «Челси» очколарини 48 тага етказиб, турнир жадвалида «Астон Вилла» билан фарқни 3 очкогача қисқартирди. Айни дамда лондонликлар 5-ўринни эгаллаб турса, бирмингемликлар 51 очко билан 4-поғонадан жой олган.
АПЛ. 29-тур
«Астон Вилла» — «Челси» 1:4
Голлар: Луис (4) — Педро (35, 45+6, 64), Палмер (55).
