АПЛ. «Брайтон» сафарда «Ноттингем Форест»дан устун келди

Англия чемпионатининг 13-турида “Ноттингем Форест” ўз майдонида “Брайтон”га қарши ўйнади.

Беллашув 2:0 ҳисобида меҳмонларнинг ғалабаси билан якунига етди. Учрашувдаги илк голни меҳмонлар ҳимоячиси Максим Де Куйпер киритди. Белгиялик футболчи биринчи бўлим охирида, 45+1-дақиқада гол урди. Иккинчи бўлимда 88-дақиқада ҳужумчи Стефанос Цимас “чайқалар”нинг ғалабасини таминлади.

Бу ўйиндан кейин "Ноттингем Форест" Англия Премер-лигаси турнир жадвалида 12 очко билан 16-ўринда, "Брайтон" эса 22 очко билан тўртинчи ўринда бормоқда.

АПЛ. 13-тур
“Ноттингем Форест” 0:2 “Брайтон”
Голлар: Де Куйпер 45+1, Цимас 88

Розикжон Султонмуродов

Журналист