АПЛ. «Арсенал» сафарда «Брентфорд»ни енга олмади
«Арсенал» Англия чемпионатининг 26-тури доирасидаги ўйинда «Брентфорд» билан дуранг ўйнади — 1:1.
Биринчи бўлимда жамоалар гол ура олишмади. Иккинчи бўлим бошида меҳмонлар ҳужумчиси Нони Мадуэке ҳисобни очди. 71-дақиқада ҳимоячи Кин Льюис-Поттер мувозанатни тиклади.
«Арсенал» 57 очко жамғарган ҳолда АПЛ турнир жадвалида пешқадамлик қилмоқда. «Брентфорд» эса 40 очко билан 7-поғонада бормоқда.
Англия Премьер-лигаси. 26-тур
Брентфорд — Арсенал — 1:1
Голлар: Мадуэке, 61 (0:1); Льюис-Поттер, 71 (1:1).
Брентфорд: Келлехер, ван дер Берг, Айер, Хенри (Хики, 90+5), Кайоде, Ярмолюк (Хендерсон, 73), Янельт, Йенсен, Льюис-Поттер (Дамсгор, 73), Уаттара, Тиаго.
Арсенал: Райя, Москера, Габриэл Магальяйнс, Инкапье (Калафьори, 81), Тимбер, Субименди, Райс, Эзе (Эдегор, 46), Троссар (Мартинелли, 81), Мадуэке (Сака, 70), Дьекереш.
