АПЛ. «Арсенал» камчиликда қолган «Челси» билан дуранг қайд этди

Англия Премьер-лигасининг 13-туридан ўрин олган «Челси» ва «Арсенал» ўртасидаги ўйин якунланди.

38-дақиқада мезбонлар яримҳимоячиси Мойсес Кайседо Микел Мерининг оёғининг ҳимояланмаган қисмига тепгани учун қизил карточка олди.

Ҳисобни 48-дақиқада «Челси» ҳимоячиси Трево Чалоба очди. 59-дақиқада «Арсенал» яримҳимоячиси Микел Мерино ҳисобни тенглаштирди. Дуранг ҳисоб ўйин охиригача ўзгармай қолди.

Натижада Энцо Мареска жамоаси 24 очко тўплаган ҳолда Англия чемпионатида учинчи ўринни эгаллаб турибди. Микель Артета шогирдлари эса 30 очко билан пешқадамликни сақлаб қолмоқда.

Англия — Премьер-лига. 13-тур
Челси - Арсенал - 1:1
Голлар: 1:0 — Чалоба, 48', 1:1 — Мерино, 59'
Четлатиш: Кайседо — 38

Розикжон Султонмуродов

Журналист