Анваржон Ҳожимирзаев машғулотга қўшилди
«Динамо» тўпурари ҳозирча якка тартибда машғулот ўтказмоқда.
Фото: Динамо ПФК
«Динамо» жамоаси Суперлига 22-турининг марказий ўйинида 17 сентябр куни Наманганда «Навбаҳор» жамоаси меҳмони бўлади.
Вадим Абрамов шогирдлари водийдаги ўйинга Тошкентда тайёргарлик кўрмоқда. Жароҳати қайталангани сабабли бир ойдан кўпроқ вақт давомида жамоамизга ёрдам бера олмаётган Анваржон Ҳожимирзаев пойтахтдаги йиғинда машғулотга қўшилди. «Динамо» тўпурари ҳозирча якка тартибда машғулот ўтказмоқда.
Клуб бош шифокори Иззат Абдувоҳидовнинг маълум қилишича, жароҳати сабаб майдонга туша олмаётган ёш яримҳимоячи Абдулаҳад Ҳошимов октябр ойидан машғулотга киришади.
