Анваржон Ҳожимирзаев «Динамо»нннг машғулотларига қайтди
У «Нефтчи»га қарши баҳсда жароҳат олганди.
Фото: Динамо ПФК
«Динамо» жамоаси бугун, 21 августдан Суперлига навбатдаги тури доирасидаги «Пахтакор»га қарши ўйинга тайёргарликни бошлади.
Қувонарлиси, муҳим ўйин олдидан жамоа тўпурари Анваржон Ҳожимирзаев жамоавий машғулотларга қайтди. Ҳужумчи 3 август куни «Нефтчи»га қарши ўйинда (0:0) жароҳат олиб, икки ҳафтадан кўпроқ вақт давомида тикланиш жараёнини ўтказди. Жамоа форварди клуб шифокорлар бўлими тавсиясига кўра бугундан жамоа машғулотида иштирок этди.
Эслатиб ўтамиз, Олмалиқдаги ғалабадан кейин «Динамо» 19-тур доирасида 25 август, сешанба куни Самарқандда «Пахтакор» жамоасини қабул қилади.
Розикжон Султонмуродов
Журналист