Антонио «Вест Хэм»ни тарк этди
Фото: Getty Images
Майкл Антонио “Вест Хэм”ни тарк этди. Бу ҳақда “болғачилар” расмий сайти хабар берди.
Манбага кўра, 35 ёшли ямайкалик футболчи билан келишув узайтирилмаган.
Антонио Лондон клубига 2015 йилда қўшилган ва 323 ўйинда 83 та гол урган.
Футболчи ўтган йили 7 декабрда ўзининг “Феррари” автомобилида автофалокатга учраган ва оёғи сингани учун операция қилинганди.
Антонио 7 ойлик танаффусдан сўнг июл ойида майдонга қайтди ва Ямайка миллий жамоаси сафида КОНКАКАФ кубогида иштирок этди.
Розикжон Султонмуродов
Журналист