Antonio «West Ham»ni tark etdi
Photo: Getty Images
Maykl Antonio “West Ham”ni tark etdi. Bu haqida “bolg'achilar” rasmiy sayti xabar berdi.
Manbaga ko'ra, 35 yoshli yamaykalik futbolchi bilan kelishuv uzaytirilmagan.
Antonio London klubiga 2015 yilda qo'shilgan va 323 o'yinda 83 ta gol urgan.
Futbolchi o'tgan yili 7 dekabrda o'zining “Ferrari” avtomobilida avtohalokatga uchragan va oyog'i singani uchun operatsiya qilingan edi.
Antonio 7 oylik tanaffusdan so'ng iyul oyida maydonga qaytdi va Yamayka milliy jamoasi safida KONKAKAF kubogida ishtirok etdi.
Roziqjon Sultonmurodov
Jurnalist