Антони Матеус дос Сантос: Оиламизнинг бу ерга етиб келиш учун қандай синовлардан ўтганини фақат ўзимиз биламиз
Антони Матеус дос Сантос Конференциялар Лигаси финалига йўл олганидан сўнг кўз ёшларини тиймади. Учрашув олдидан бразилиялик футболчи туғилганда вақтидан олдин дунёга келгани, онаси ўлим хавфи остида бўлгани ва оиласи оғир даврларни бошдан кечиргани ҳақида гапирди.
— «Оилам фақат ўзимизга маълум бўлган оғир йўлни босиб ўтди. Онам, рафиқам ва ака-укаларим билан кўп йиғлаганмиз. Биз жуда қийин синовлардан ўтганмиз. Энди эса орзумни рўёбга чиқаряпман» , — деди Антони.
— «Бироз чарчаганман, лекин хурсандлигим чарчоқдан анча кучли. Бу биз учун катта байрам. Ўйин осон бўлмаслигини билардик. Эндиликда финалга чиққанимиздан баҳраманд бўлишимиз керак» , — дея қўшимча қилди у.
Конференциялар Лигаси финалида «Бетис» Лондоннинг «Челси» жамоасига қарши майдонга тушади. Беллашув 28 май куни бўлиб ўтади.
