Antoni Mateus dos Santos: Oilamiz bu yerga yetib kelish uchun qanday sinovlardan o‘tganini faqat o‘zimiz bilamiz
Antoni Mateus dos Santos Konferensiyalar Ligasi finaliga yo‘l olganidan so‘ng ko‘z yoshlarini tiyolmadi. Uchrashuv oldidan braziliyalik futbolchi tug‘ilganda vaqtidan oldin dunyoga kelgani, onasi o‘lim xavfi ostida bo‘lgani va oilasi og‘ir davrlarni boshdan kechirgani haqida gapirdi.
— "Oilam faqat o‘zimizga ma’lum bo‘lgan og‘ir yo‘lni bosib o‘tdi. Onam, rafiqam va aka-ukalarim bilan ko‘p yig‘laganmiz. Biz juda qiyin sinovlardan o‘tganmiz. Endi esa orzumni ro‘yobga chiqarayapman", — dedi Antoni.
— "Biroz charchaganman, lekin xursandligim charchoqdan ancha kuchli. Bu biz uchun katta bayram. O‘yin oson bo‘lmasligini bilardik. Endilikda finalga chiqqanimizdan bahramand bo‘lishimiz kerak", — deya qo‘shimcha qildi u.
Konferensiyalar Ligasi finalida "Betis" Londondagi "Chelsi" jamoasiga qarshi maydonga tushadi. Bellashuv 28 may kuni bo‘lib o‘tadi.
