Антони фаолиятини Европанинг гранд клубларидан бирида давом эттириши мумкин
ФОТО: Getty Images
Ижара асосида “Бетис”да тўп сураётган “Манчестер Юнайтед” вингери Антонига Европанинг икки гранд клуби қизиқиш билдирмоқда. Бу ҳақда UOL Esporte нашри хабар берди.
Манбага кўра, бразилиялик футболчини “Атлетико Мадрид” ва “Арсенал” ўз сафига қўшиб олмоқчи. Ҳозирда бу икки клуб 25 ёшли вингерни сотиб олиш имкониятларини баҳолаб чиқмоқда.
Эслатиб ўтамиз, аввалроқ ОАВда “Бетис” Антонининг ижара муддатини узайтирмоқчи эканлиги ҳақида хабарлар тарқалганди.
Маълумот учун, Антонининг манкунианликлар билан тузган амалдаги шартномаси 2027-йилнинг ёзига қадар амал қилади. Унинг Transfermarkt-даги нархи 20 миллион еврога баҳоланмоқда.
Насрулло Каримов
Журналист
