Ҳанси Флик «Барселона»да Гвардиоланинг рекордини такрорлади
«Барселона» бош мураббийи Ҳанс-Дитер Флик XXI асрда каталонияликлар қайд этган ўз уйидаги кетма-кет ғалабалар сони бўйича клуб рекордини такрорлади. Ла Лиганинг 29-турида «кўк-анорранглилар» ўз майдонларида «Райо Валекано»ни 1:0 ҳисобида мағлуб этишди.
Мазкур муваффақият Флик бошқарувидаги «Барселона» учун ўз майдонидаги кетма-кет 15-ғалаба бўлди. XXI асрда бундай натижага фақатгина Пеп Гвардиола даврида (2010-2011 йиллар) эришилган эди. «Барселона» учун навбатдаги уй учрашуви 11 апрел куни 31-тур доирасидаги «Эспаньол»га қарши дерби баҳси бўлади.
Испания чемпионатининг 29 та туридан сўнг «Барселона» 73 очко жамғарган ҳолда турнир жадвалида пешқадамлик қилмоқда. Мадриднинг «Реал» клуби битта заҳира ўйинига эга бўлиб, каталонияликлардан етти очкога орқада қолмоқда.
