Анри: «Испания Франциядан анча кучли эди»
Франция терма жамоасининг собиқ ҳужумчиси Тьерри Анри 2026 йилги жаҳон чемпионати ярим финалида Испаниянинг Франция устидан 2:0 ҳисобидаги ғалабаси ҳақида фикр билдирди.
«Испания нега Европа чемпиони эканини яна бир бор кўрсатди. Улар тўп билан ҳам, тўпсиз ҳам ўйинни тўлиқ назорат қилди. Испания Франциядан анча кучли эди, бунга қўшимча айтадиган гап йўқ. Энди уларга қарши қандай ўйнаш кераклигини яхшироқ ўйлаб чиқиш лозим.
Одамлар Микел Ойарсабални етарлича қадрламайди. Чунки у "Барселона", "Атлетико" ёки "Реал Мадрид"да эмас, балки "Реал Сосьедад"да ўйнайди. Энди эса унга бошқача муносабатда бўлишади.
Марк Кукурелья эса ҳайратланарли даражада ўйнади. Кўпчилик уни масхара қилади, аммо майдонда ҳеч ким ундан устун кела олмади. У 30-дақиқадан бошлаб сариқ карточка билан ҳаракат қилди, шунга қарамай Майкл Олисе ва Усмон Дембелени тўлиқ тўхтата олди. Уларни гўё "чўнтагига солиб қўйди"», — деди Анри. Унинг сўзларини Mundo Deportivo нашри келтирмоқда.
