Анри: «Агар «Манчестер Сити»нинг айби исботланган бўлса, титуллар бекор қилиниши керак»
«Арсенал» ва Франция терма жамоасининг собиқ машҳур ҳужумчиси Тьерри Анри «Манчестер Сити»га нисбатан молиявий қоидалар бузилиши бўйича ишда энг қатъий чоралар кўрилиши керак, деб ҳисоблашини билдирди.
«Ростини айтсам, “Манчестер Сити” 114 та банд бўйича айбдор деб топилган бўлса, фақат очколарни олиб ташлашнинг ўзи қандай қилиб етарли жазо бўлиши мумкинлигини тушунмайман. Агар ушбу қоидабузарликлар клубга устунлик берган бўлса, ўша даврда қўлга киритилган чемпионлик унвонлари бекор қилиниши керак. Совринлар олиб қўйилиши, рекордлар эса қайта кўриб чиқилиши лозим. Қуйи лигага тушириш имкониятини ҳам кўриб чиқиш керак.
Гап “Манчестер Сити”нинг ўзида эмас, адолат ҳақида кетмоқда. Агар сиз шунча қоидани бузсангиз ва айбингиз исботланса, барча совринларни сақлаб қолиб, фақат очколардан маҳрум бўлиш билан қутулиб кетишингиз мумкин эмас. Акс ҳолда, бошқа клубларга қандай сигнал беряпмиз?» — дея Анрининг сўзларини Topskills Sports UK келтирган.
«Манчестер Сити» эса расмий қарор устидан апелляция бериш ниятида. Клубда бунинг учун қарор чиқарилганидан кейин 14 кун муддат борлиги айтилмоқда.
