Англиянинг уч гранди Матановични кузатмоқда
23 ёшли футболчининг ўзи ҳам Англияга кўчиб ўтишга тайёр.
Фото: Getty Images
"Фрайбург" ҳужумчиси Игор Матанович Англия Премьер-лигаси грандларининг қизиқишига сабаб бўлмоқда.
Transfer News Live нашри CaughtOffside манбасига таяниб хабар беришича, "Арсенал", "Манчестер Юнайтед" ва "Челси" вакиллари хорватиялик футболчининг жорий мавсумдаги ўйинларини диққат билан кузатмоқда. 23 ёшли футболчининг ўзи ҳам Англияга кўчиб ўтишга тайёр.
Манба маълумотига кўра, "Фрайбург" Матановичнинг нархини сезиларли даражада оширган. Энди уни сотиб олмоқчи бўлган клуб тахминан 50 миллион фунт стерлинг, яъни қарийб 59 миллион евро тўлашига тўғри келади.
Бунинг асосий сабаби ҳужумчининг жорий мавсумдаги ёрқин ўйинидир. Матанович 7 та учрашувда 6 та гол урди ва 2 та голли узатмани амалга оширди.
