Англиянинг «Манчестер Юнайтед» клуби беш нафар асосий футболчини ўз сафида кўришни истамоқда. Ўйинчилар номлари маълум қилинди
Расм: gettyimages.com ФК Манчестер Юнайтед
Daily Mail агентлиги хабар беришича, Англиянинг «Манчестер Юнайтед» клуби ёзги трансфер ойнасида жамоа таркибини кучайтиришни режалаштирмоқда. Журналистлар маълумотига кўра, инглиз жамоасининг асосий трансфер мақсадлари сифатида бир нечта футболчилар кўрсатилган. «Манчестер Юнайтед» қуйидаги футболчиларни ўз таркибига қўшиб олиши мумкин: Виктор Осимхен, Хави Симонс, Эберечи Эзе, Бенямин Шешко ва Антуан Семено.
«Манчестер Юнайтед» жорий мавсумда Англия Премер-лигасида омадсиз иштирок этмоқда. 33 турдан сўнг жамоа 38 очко билан жадвалнинг 14-поғонасини эгаллаб турибди. Шунга қарамасдан, жамоа Европа Лигаси ғолиблиги учун курашни давом эттирмоқда. Ярим финалда «Манчестер Юнайтед» Билбаонинг «Атлетик» клубига қарши майдонга тушади.
Бакрадзе Иман
Редактор
