Angliyaning \"Manchester United\" klubi besh nafar asosiy futbolchini o'z safida ko'rishni istamoqda. O'yinchilar nomlari ma'lum qilindi
Daily Mail agentligi xabar berishicha, Angliyaning "Manchester United" klubi yozgi transfer oynasida jamoa tarkibini kuchaytirishni rejalashtirmoqda. Jurnalistlar ma'lumotiga ko'ra, ingliz jamoasining asosiy transfer maqsadlari sifatida bir nechta futbolchilar ko'rsatilgan. "Manchester United" quyidagi futbolchilarni o'z tarkibiga qo'shib olishi mumkin: Viktor Osimhen, Xavi Simons, Eberechi Eze, Benyamin Sheshko va Antuan Semeno.
"Manchester United" joriy mavsumda Angliya Premer-ligasida omadsiz ishtirok etmoqda. 33 turdan so'ng jamoa 38 ochko bilan jadvalning 14-pog'onasini egallab turibdi. Shunga qaramasdan, jamoa Yevropa Ligasi g'olibligi uchun kurashni davom ettirmoqda. Yarim finalda "Manchester United" Bilbaoning "Atletik" klubiga qarshi maydonga tushadi.
