Англиянинг Манчестер Сити клуби бу ёзда ўзининг муҳим футболчиларидан биридан айрилиши мумкин
Расм: gettyimages.com Бернард Силва
Португалиялик ярим ҳимоячи Бернарду Силва шартномаси тугагач, «Манчестер Сити»дан «Бенфика»га қайтиши мумкин. A Bola нашрининг хабар беришича, у бир нечта клублар билан музокаралар бошлаган.
Маълумотга кўра, Силва «Бенфика»га қайтиш учун иш ҳақини камайтиришга тайёр. У айнан шу жамоа академияси тарбияланувчиси ҳисобланади. «Манчестер Сити» эса 30 ёшли футболчини жамоани янгилаш мақсадида сотиши мумкин. Шу билан бирга, унга «Барселона» ҳам қизиқиш билдирмоқда.
2024/25 йилги мавсумда португалиялик футболчи барча мусобақаларда 41 та ўйинда иштирок этди, 3 та гол ва 4 та голли узатма билан ажралиб турди. Унинг клуб билан тузган шартномаси 2026 йил ёзигача амал қилади. Transfermarkt порталида футболчининг бозор баҳоси 45 миллион еврога тенг.
Бакрадзе Иман
Редактор
