Angliyaning Manchester Siti klubi bu yozda oʻzining muhim futbolchilaridan biridan ayrilishi mumkin
Portugaliyalik yarim himoyachi Bernardu Silva shartnomasi tugagach, "Manchester Siti"dan "Benfika"ga qaytishi mumkin. A Bola nashrining xabar berishicha, u bir nechta klublar bilan muzokaralar boshlagan.
Ma'lumotga koʻra, Silva "Benfika"ga qaytish uchun ish haqini kamaytirishga tayyor. U aynan shu jamoa akademiyasi tarbiyalanuvchisi hisoblanadi. "Manchester Siti" esa 30 yoshli futbolchini jamoani yangilash maqsadida sotishi mumkin. Shu bilan birga, unga "Barselona" ham qiziqish bildirmoqda.
2024/25 yilgi mavsumda portugaliyalik futbolchi barcha musobaqalarda 41 ta oʻyinda ishtirok etdi, 3 ta gol va 4 ta golli uzatma bilan ajralib turdi. Uning klub bilan tuzgan shartnomasi 2026 yil yozigacha amal qiladi. Transfermarkt portalida futbolchining bozor bahosi 45 million yevroga teng.
