Англиянинг «Ливерпул» клуби собиқ бош мураббийи Рафаэл Бенитес Салоҳ нега «Олтин тўп»га сазовор бўлиши кераклигини тушунтирди
Расм: gettyimages.com Муҳаммад Салоҳ
Бенитес интервью бериб, мисрлик ҳужумчи Муҳаммад Салоҳ ҳақида ўз фикрларини билдирди. Ўтган ҳафта Салоҳ «Ливерпул» билан шартномасини 2027 йил ёзигача узайтирди.
Marca мураббийнинг қуйидаги сўзларини келтиради:
«Футболчи ўзини яхши парвариш қилса ва шундай даражада ўйнашда давом этса, ёши аҳамиятга эга эмас. Албатта, Салоҳ «Олтин тўп»ни ютишига лойиқ. Нима учун йўқ экан?»
АПЛнинг 32-турида «Вест Хэм»га қарши ўйинда Салоҳ марказий ҳужумчи Луис Диасга голли пас узатди. Бу пас Салоҳнинг жорий мавсумдаги Англия чемпионатидаги 45-результатив ҳаракати бўлди. Премьер-лигада Муҳаммад Салоҳ 27 та гол урди ва 18 та голли узатма амалга оширди.
Бакрадзе Иман
Редактор
