Англия терма жамоасининг тўрт футболчиси машғулотни ўтказиб юборди
Англия терма жамоасининг тўрт нафар футболчиси — Рис Жеймс, Марк Гехи, Деклан Райс ва Жордан Хендерсон 8 июль куни АҚШнинг Канзас-Сити шаҳрида бўлиб ўтган машғулотда иштирок этмади. Бу ҳақда Times Sport хабар тарқатди.
Манбага кўра, Жеймс, Гехи ва Райс индивидуал дастур асосида шуғулланган. Қолган 22 нафар футболчи эса умумий гуруҳ билан машқ қилган.
Жордан Хендерсон эса қўлида ўтказилган жарроҳлик амалиётидан кейин тикланаётгани учун машғулотни ўтказиб юборган.
Жаҳон чемпионати–2026 доирасида:
Марк Гехи турнирда 5 та ўйин ўтказган;
Рис Жеймс 4 та учрашувда иштирок этган;
Деклан Райс ҳам 4 та баҳсда майдонга тушиб, 1 та голли узатма амалга оширган.
Эслатиб ўтамиз, Жаҳон чемпионати чорак финалидан ўрин олган Норвегия — Англия учрашуви 12 июль куни бўлиб ўтади.
