Англия терма жамоасининг 13,5 минг фунтлик экипировкалари ўғирлаб кетилди
Икки нафар жиноятчи Англия терма жамоасининг Канзас-Ситидаги машғулот базасига кетаётган йўлида жамоага тегишли бўлган жами 13,5 минг фунт стерлинг қийматидаги буюмлар ва экипировка қисмларини ўғирлаб кетди. Бу ҳақда Sky Sports нашри хабар бермоқда.
Манбанинг маълум қилишича, ўғрилар қўлга олинганидан сўнг, уларнинг ёнидан қиймати 250 фунт бўлган тўрт жуфт бутсалар, 170 фунтлик беш жуфт поябзал, шунингдек, Англия терма жамоаси аъзоларининг дастхатлари туширилган бир нечта футболкалар, Жаҳон чемпионати тўпи (160 фунт) ва бир жуфт дарвозабон қўлқоплари (120 фунт) топилган.
Бундан ташқари, жиноятчилар иккита калиткўринишдаги юмшоқ ўйинчоқ арслон (плюшевий лев) ва Nike Air кроссовкаси кўринишидаги Lego тўпламни ҳам ўғирлашга улгуришган.
Таъкидланишича, ашёларни ўғирлаган эркакларга нисбатан айблов эълон қилинган бўлиб, ушбу жиноят учун етти йилгача озодликдан маҳрум қилиш жазоси назарда тутилган.