Англия лига кубоги. «Тоттенхэм» «Донкастер»ни тор-мор этди
Томас Франк шогирдлари кейинги босқичга йўл олди.
ФОТО: Getty images
Англия лига кубоги 3-босқичида “Тоттенхэм” клуби майдонида “Донкастер”ни қабул қилди.
Учрашув 3:0 ҳисобида лондонлик футболчиларнинг ғалабаси билан якунланди. 14-дақиқада Жоау Пальинья ҳисобни очди. Орадан уч дақиқа ўтиб, Жей Макграт ўз дарвозасига гол киритиб қўйди. Учрашувнинг сўнгги дақиқаларида — 90+4-да Бреннан Жонсон “шпорлар”нинг устунлигини мустаҳкамлади.
Шу тариқа, Томас Франк жамоаси ҳам мусобақанинг 1/8 финалга йўл олган сўнгги иштирокчисига айланди.
Англия лига кубоги. 3-босқич
24 сентябрь 2025 йил, чоршанба.
Тоттенхэм — Донкастер — 3:0
Голлар: 1:0 — Пальинья (14'), 2:0 — Макграт (17', автогол), 3:0 — Жонсон (90+4')
