Англия Кубоги. «Арсенал» «Саутгемптон»га имкониятни бой бериб, турнир билан хайрлашди
Англия Кубогининг чорак финал босқичи доирасида «Саутгемптон» ўз майдонида Лондоннинг «Арсенал» клубини қабул қилди. «Сент-Мэри» стадионида бўлиб ўтган кескин баҳсда мезбонлар 2:1 ҳисобида ғалаба қозониб, мусобақанинг кейинги босқичига йўлланмани қўлга киритишди.
Учрашувнинг 35-дақиқасида Росс Стюарт ҳисобни очиб, жамоасини олдинга олиб чиқди. Иккинчи бўлимнинг 68-дақиқасида «Арсенал» ҳужумчиси Виктор Гёкереc мувозанатни тиклашга муваффақ бўлди. Бироқ ўйин якунланиши арафасида, аниқроғи 85-дақиқада Ши Чарльз рақиб дарвозасини ишғол қилиб, майдон эгаларга муҳим ғалабани тақдим этди.
Маълумот учун, турнирнинг яримфинал босқичига қуръа ташлаш маросими бугун, 5 апрел куни бўлиб ўтади. Яримфинал учрашувлари эса 25 ва 26 апрел кунларига белгиланган.
Эслатиб ўтамиз, Англия Кубогининг амалдаги ғолиби «Кристал Пэлас» жамоаси ҳисобланади. Ўтган мавсум финалида улар «Манчестер Сити» устидан 1:0 ҳисобида ғалаба қозонишган эди.
