Андрес Иньеста фирибгарликда гумон қилинмоқда
Компания 2024 йил июнида банкрот бўлган.
ФОТО: Getty images
Испаниянинг “Барселона” жамоаси собиқ афсонаси Андрес Иньеста Перу прокуратураси томонидан фирибгарлик иши доирасида тергов остига олинди. Бу ҳақда “El Espanol” нашри хабар берди.
Манбага кўра, испаниялик собиқ ярим ҳимоячи ўзига тегишли Never Say Never (NSN) компанияси ва унинг Жанубий Америкадаги шўба корхонаси орқали бир нечта перулик инвесторларга 600 минг доллардан ортиқ зарар етказган фирибгарлик схемасида гумон қилинмоқда.
Иньестанинг жаҳон миқёсидаги обрў-эътибори маблағ жалб қилиш ва маҳаллий ҳамкорларни ишонтириш учун ишлатилган. Компания 2024 йил июнида банкрот бўлган.
Розикжон Султонмуродов
Журналист