Андрей Пятницкий: Баҳс сўнгида кўплаб имкониятлар юзага келди

Ўзбекистон кубоги доирасида Баркамолга қарши ўйиндан кейин Азур жамоаси бош мураббийи Андрей Пятницкий фикр билдирди.

"Афсуски, дарвозабон хатоси сабабли гол ўтказиб юбордик. Шу сабабли стратегияни ўзгартиришга тўғри келди ва ўйиннинг боришини ўзгартира олмадик. Баҳс сўнгида кўплаб имкониятлар юзага келди. Гол киритиб, хотиржам учрашувни якунлашимиз мумкин эди, аммо буни амалга ошира олмадик ва асабий ўтди. Бу мавсумдаги илк беллашувимиз ва табиий қабул қилиш керак. Муҳими — келгусида буни такрорламаслик.

Ўйлашимча, биз Дўстликни енгишга қодирмиз. Тўғри, Дўстлик ҳам жиддий жамоа, тажрибага эга. Алоҳида стратегия билан ёндашиб, ғалаба қозона олишимизга умид қиламан. Жамоамизнинг режалари катта", — деди мутахассис.

Иброҳим Жалолов

Редактор