Андрей Аршавин Португалия терма жамоасининг Ўзбекистонга қарши ўйинига баҳo берди
Россиялик собиқ футболчи ЖЧ-2026 гуруҳ босқичи 2-тури доирасида ўтказилган Португалия — Ўзбекистон учрашувида португалиялик футболчиларда кўп жиҳатлар яхши ўхшаганини таъкидлади.
Аршавиннинг фикрича, икки жамоа ўртасидаги класс фарқи ўйин давомида сезилиб турган. У Ўзбекистон терма жамоаси учун асосий баҳс олдинда — ДР Конгога қарши учрашув бўлишини ҳам қайд этди.
Собиқ футболчи Португалия учун эрта киритилган гол муҳим роль ўйнаганини айтди. Айниқса, Криштиану Роналдунинг гол ургани алоҳида аҳамиятга эга бўлганини таъкидлади.
“Бугун португалияликларда кўп нарса ўхшади. Энги муҳими, улар бошида гол уришди ва айнан Роналду гол киритди”, — деди Аршавин.
Эслатиб ўтамиз, Португалия мазкур учрашувда Ўзбекистонни 5:0 ҳисобида мағлуб этди. Роналду эса баҳсда дубликат қайд этиб, жамоасининг йирик ғалабасига ҳисса қўшди.