“Андижон”нинг кейинги манзили Туркия
“Андижон” жамоаси бугун Тошкент халқаро аэропортида соат 10:00 да Тошкент-Анталия йўналишида Туркияга йўл олади ва у ерда “Бургутлар”нинг янги мавсум учун асосий ўқув-машғулот йиғини бўлиб ўтади.
Бургутларнинг мураббийлар ва тиббиёт штабини янги мутахассислар билан тўлдирилди. Жумладан, футболчи сифатида ўз вақтида “Андижон” шарафини ҳимоя қилган, ўтган йили “Бунёдкор”да фаолият олиб борган Дмитрий Краев эндиликда “Андижон”да таҳлилчи вазифасида иш олиб боради. Шунингдек, бухоролик шифокор Олимжон Неъматов ҳам янги мавсумдан эътиборан “Бургутлар”да фаолият олиб боради. Қолаверса, массажчи Баҳодир Ташбеков ҳам водий клуби аъзосига айланди.
Демак, Андижоннинг делегация таркиби билан танишинг!
Бош мураббий: Самвел Бабаян
Ёрдамчи мураббий: Григорий Колосовский
Мураббийлар: Денис Тойменсев, Элёр Рахматуллаев
Дарвозабонлар мураббийи: Павел Синельников
Таҳлилчи: Дмитрий Краев
Шифокорлар: Ғофуржон Жўраев, Олимжон Неъматов
Массажчилар: Баҳодир Ташбеков, Оматилло Ортиқов, Азиз Каримов
Администраторлар: Бекзод Каримов, Хурсандбек Қосимов
Матбуот котиби: Шуҳратбек Жўраев
Оператор таҳлилчи: Илҳом Иминов
Дарвозабонлар: Элдор Адҳамов, Раҳим Давронов, Неъматуллоҳ Рустамжонов.
Ҳимоячилар: Иброҳим Йўлдошев, Неманя Чаласан, Александр Андроникашвили, Абдурахмон Комилов, Одил Абдумажидов, Ислом Тўхтахўжаев, Элбек Воҳидович, Абдулвоҳид Ғуломов, Игор Голбан, Кристиан Новак, Бекзод Сулаймонов.
Ярим ҳимоячилар: Аббос Абдуғаффоров, Сардор Азимов, Ҳумоюнмирзо Иминов, Дониёр Абдуманнопов, Бектемир Абдуманнонов, Дамир Темиров, Жамшид Болтабойев, Муҳаммадкарим Тоиров, Имеда Ашортия, Усмонали Исмоналиев.
Ҳужумчилар: Пўлатхўжа Холдорхонов, Драган Черан, Асилбек Алиев.
Рустамжонов, Черан, Чаласан, Новак, Ашортия ва Голбан Туркиядаги йиғинда қўшилишади.
Шунингдек, Шохжахон Ёрқинбоев U-23 терма жамоаси билан Осиё Кубогида қатнашётгани боис “Андижон”нинг йиғиннига кейинроқ етиб келади.
