Андижонда янги стол тенниси спорт зали фойдаланишга топширилди
Андижон олимпия ва паралимпия спорт турлари тайёрлаш марказида “Янги Ўзбекистон Олимпия чўққилари” ҳамда “Президент Олимпиадаси” мусобақалари доирасида янги спорт иншооти — стол тенниси зали тантанали равишда фойдаланишга топширилди.
Мазкур лойиҳа “Ташаббусли бюджет” дастури асосида амалга оширилиб, Андижон олимпия ва паралимпия спорт турлари тайёрлаш марказининг илгари фойдаланилмаган биноси замонавий стол тенниси залига мослаштирилди.
Янги спорт зали очилиш маросими спорт байрамига уланиб кетди. Айнан шу масканда стол тенниси бўйича “Янги Ўзбекистон Олимпия чўққилари” ва “Президент Олимпиадаси” мусобақаларининг биринчи босқичи, "Андижон шаҳар ҳокими олимпиадаси" мусобақалари кўтаринки руҳда ўтказилди.
Мусобақалар якунида ғолиб ва совриндор спортчилар ташкилотчилар томонидан муносиб тақдирланди. Энг юқори натижа кўрсатган иштирокчилар эса мусобақанинг кейинги босқичига йўлланмани қўлга киритди.
