«Андижон» – «Сурхон». Жамоаларнинг ўзаро ўйинлар тарихи
Суперлига қайтаяпти. 11-турдан кейин жаҳон чемпионати сабабли Суперлигада танаффус эълон қилинганди.
Эндиликда яна миллий биринчилигимиз давом эттирилади. “Андижон” жамоаси чемпионатнинг 12-турини 18-июль куни “Бобур арена”да Термизнинг “Сурхон” клубига қарши ўтказади.
“Бобур арена”да ушбу жамоалар ўртасидаги сўнгги бор ўтказилган баҳс 2025-йилнинг 23-май куни бўлиб ўтган. Қизиқарли ўтган ўйинда “Андижон” ғалаба қозонган – 2:1. Ўшанда жамоамиздан Бектемир Абдуманнонов билан Дониёр Абдуманнопов рақиб дарвозасини ишғол қилишган. Иккинчи даврадаги учрашувда эса “Сурхон” ўз уйида 4:0 ҳисобида устун келган.
Клубларнинг чемпионатдаги илк тўқнашуви 1992-йилдан бошланган. Умумий ҳисобда жамоалар миллий чемпионатда 36 марта тўқнаш келишган. “Сурхон”да 12, “Андижон”да 18 ғалаба бор. 6 та баҳсда кучлар тенг келган. Тўплар нисбати 48\64 жамоамиз фойдасига.
Эслатиб ўтамиз, “Андижон” – “Сурхон” қарама-қаршилиги 18-июль куни соат 20:00 да бошланади.
