\"Андижон\" - Шацких музокаралари сўнгги босқичда!
Хабарингиз бор, Андижоннинг “Андижон” жамоаси охирги турлардаги натижалар яхши бўлмагани учун бош мураббий Александр Хомяковни истефога чиқарган эди.
Шундан кейин андижонликлар клуб учун бир нечта номзодларни кўриб чиқди ва бу жараён ҳали ҳам давом этмоқда. Sports24.uz маълумотларига қараганда, Ўзбекистон терма жамоасининг собиқ ҳужумчиси Максим Шацких ва “Андижон” клуби ўртасидаги музокаралар сўнгги босқичга чиқди.
Шацких “Андижон” 0:2 “Нефтчи” ўртасидаги “водий дербиси”га ҳам ташриф буюриб, ўйинни стадиондан томоша қилди. Максим “бургутлар” раҳбарияти билан учрашиб, шароитларни ўрганган ва ўз шартларини айтган. Катта эҳтимол билан “Андижон” тез орада Максим Шацкихни бош мураббий сифатида эълон қилади.
Максим Александрович Шацких 1978 йил 30 августда Тошкент шаҳрида туғилган. Собиқ профессионал футболчи. Шацких — Сергей Ребров билан бирга 341 ўйинда 123 та гол уриб, Украина Премьер-Лигасининг барча вақтлардаги энг яхши тўпурари ҳисобланади.
1999 йил 28 июлда Шацких УЕФА Чемпионлар Лигасида гол урган биринчи осиёлик футболчи бўлди ва УЕФА футбол мусобақаларида гол урган Миржалол Қосимовдан кейинг иккинчи ўзбекистонлик футболчига айланди.
Киевнинг “Динамо” жамоасидаги дебют мавсумида у Украина Премьер-Лигасида ғолиб чиқди ва 20 та гол уриб, Украина Премьер-Лигасининг энг яхши тўпурари бўлди.
2002-03 йилги мавсумда у 22 та гол уриб, Сергей Ребровнинг 1997-98 йиллардаги рекордини тенглаштирганида, Шацких 1999-2000 йиллардаги УЕФА Чемпионлар Лигасидаги дебют мавсумида 5 та гол урди.
1999 йил 28 июлда у Чемпионлар Лигасидаги илк голини “Жальгирис Вилнюс”га қарши ўйинда киритди. Шацких Киев билан УЕФА Чемпионлар Лигасида 9 мавсум ўйнаб, 11 та гол урди.
Унинг мураббий сифатидаги сўнгги жамоаси Тошкентнинг “Пахтакор” клуби бўлган эди.
Эслатиб ўтамиз "Андижон" бу мавсумда Осиёнинг иккинчи рақамли турнирида Ўзбекистон шарафини ҳимоя қилади.
