Андижон Максим Шацкихни истеъфога чиқарди
Шу йилнинг 13 май санасида Андижонга бош мураббий этиб тайинланган Максим Шацкихнинг шартнома муддати жорий йилнинг 31 декабрь санасигача мўлжалланган эди. Аммо клуб раҳбарияти мураббий билан ўзаро келишув асосида шартномани бекор қилди.
"Биз Максим Александровичга жамоамиздаги 6 ойлик фаолияти давомидаги меҳнати учун миннатдорчилик билдирамиз.
Шацких “Андижон” устози сифатида қўлидан келган барча ишни амалга ошириш ҳаракатида бўлди ва клуб ривожи йўлида меҳнатидан аямади.
Шацких “Андижон” бош мураббийи сифатида барча мусобақаларда жами 24 та ўйин ўтказилди. Шундан 5 ғалаба, 9 дуранг ва 10 мағлубият қайд этилди. Қолаверса, Осиё Чемпионлар лигаси 2 да унинг бошчилигида қайд этилган натижалар ҳам эътиборга молик. Боиси, “Андижон” 4 та ўйинда ўз дарвозаси дахлсизлигини сақлай олди, мағлубиятсиз серия қайд этди.
Жамоамизни бошқариш вақтинчалик Акмал Шорахмедов зиммасига юклатилди.
Биз Шацкихга келгуси фаолиятида омад тилаймиз. Ҳаммаси учун раҳмат, Максим Александрович!",– деб ёзилади клуб матбуот хизмати баёнотида.
