«Андижон» клуби делегацияси Малайзияга жўнаб кетди
15 август куни ОЧЛ Элит ва ОЧЛ 2 мусобақаларининг янги мавсуми учун қуръа ташлаш маросими бўлиб ўтади.
ОЧЛ 2 да илк бор иштирок этадиган “Андижон” клуби ҳам 15 август санасида ўз рақибларини билиб олади.
Малайзия пойтахти Куала-Лумпурда ўтказиладиган ОЧЛ семинари ва қуръа ташлаш маросимида иштирок этиш мақсадида “Андижон” клуби делегацияси ҳам сафарга йўл олди.
Клуб бош директори Элбек Саматов, клуб менежери Икромжон Муҳитдинов ҳамда клуб матбуот котиби Шуҳратбек Жўраев ОФК томонидан ташкил этиладиган тадбирларда қатнашиш учун Куала-Лумпурга жўнаб кетдилар.
Эслатиб ўтамиз, қуръа ташлаш маросими Куала-Лумпурдаги “Интерконтинентал” меҳмонхонасида бўлиб ўтади. 15-август куни маҳаллий вақт билан 10:30 (Тошкент вақти билан 07:30) да иштирокчи клублар учун семинар бўлиб ўтади. Маҳаллий вақт билан 15:00 (Тошкент вақти билан 12:00) да қуръа ташлаш маросими бошланади.
