«Андижон» Дониёр Абдуманнопов билан шартномани узайтирди

“Андижон” янги мавсум олдидан таркибни яхшилаб шакллантириш жараёни давом этмоқда.

Клуб матбуот хизмати хабар беришича, мухлисларнинг меҳрини қозонган ярим ҳимоячи Дониёр Абдуманнопов билан амалдаги келишув узайтирилди.

Абдуманнопов асли Андижон фарзанди ва айнан “Андижон” клуби тарбияланувчиси саналади.

У 2018-2021 йиллар мобайнида жамоа шарафини ҳимоя қилган. 2025 йили эса яна сафимизга қайтди. Дониёр ўтган йили 38 та учрашувда майдонга тушиб, 6 та гол урди ва 1 та ассистни бажарди.

Умумий ҳисобда эса Абдуманнопов “Андижон” либосида фаолияти давомида 72 та ўйинда майдонга тушган ва жами 10 та гол урган.

Розикжон Султонмуродов

Журналист